Álftamýri 30

Lögheimili eignamiðlun kynnir 3ja herbergja íbúð á 2. hæð.  Eignin er samtals 72,2 fm.  Þrjú herbergi eru í íbúðinni í dag, þar sem einu herbergi hefur verið bætt við úr hluta eldhúss.  Frábær staðsetning miðsvæðis í Reykjavík.  Í næsta nágrenni er leikskóli, grunnskóli, framhaldsskóli, verslanir, Miðbær verslunarkjarni, Kringlan, ýmis þjónusta, íþróttafélag o.fl.
 
Nánari upplýsingar veitir: Eggert Ólafsson, löggiltur fasteignasali, í síma 893 1819, eggert@logheimili.is
 
Endurnýjað og viðgert að sögn seljanda:  Árið 2021 var húsið múrviðgert og málað að utan, gluggar og hurðir endurnýjað þar sem þörf þótti og járn á þaki endurnýjað.  Árið 2017 voru opnanleg fög endurnýjuð í íbúðinni.  Árið 2016 nýr sturtuklefi.  Árið 2014 var þvottahús og þurrkherbergi  máluð og lagfærð.  Árið 2010 var salerni og vaskur á baðherbergi endunýjað.  Árið 2007 var endurnýjuð rafmagnstafla ásamt tenglum í þvottahúsi, þar sem hver íbúð er með sinn tengil fyrir þvottavél og þurrkara.  Einnig hefur verið endurnýjuð eldhúsinnrétting ásamt tækjum, sett eldþolin hurð fram í stigahús, endurnýjuð stétt framan við hús og sett upp snjóbræðslukerfi.
 
Nánari lýsing: 
Komið er inn í hol með fatahengi.  Stofa/borðsofa er með útgengt á suðursvalir.  Í eldhúsi er falleg ljós innrétting með viðaráferð, opið á eina hlið inn í hol og með innangengt í lítið herbergi sem hefur verið stúkað af úr hluta eldhúss.  Hjónaherbergi er með fataskáp.  Tvö herbergi og hefur öðru herberginu, sem er lítið, verið bætt við frá upprunalegu skipulagi íbúðarinnar, þ.e. úr hluta eldhúss.  Baðherbergi er með skáp undir vask og á vegg, sturtuklefa, opnanlegum glugga, tengi fyrir þvottavél og flísum upp veggi.  Plastparket er á gólfum, nema á eldhúsi, baðherbergi og holi þar sem eru flísar.  Sérgeymsla, ásamt sameiginlegri hjólageymslu, þvottahúsi og þurrkherbergi er í kjallara.
 
Annað:  Skipulagi hefur verið breytt frá upphaflegri teikningu.  Eignin er skráð 3ja herbergja, en einu herbergi hefur verið bætt við úr hluta eldhúss og eldhús því minnkað sem því nemur.  Frekar auðvelt er að stækka eldhúsið aftur með því að fjarlægja vegg á milli.  Skv. Fasteignaskrá Íslands er íbúð 67,7 fm., geymsla 4,5 fm., eða samtals 72,2 fm.  Eignin er í útleigu, en leigusamning hefur verið sagt upp og er eignin laus 1. október, 2024, en mögulega fyrr og jafnvel í júní n.k. að sögn leigjanda.  Innimyndir í auglýsingu eru frá árinu 2018.
 
Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Lögheimili eignamiðlun því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.


Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4 til 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar skv. gjaldskrá.  Nánari   upplýsingar á t.d. heimasíðu lánastofnana.
4. Umsýslugjald til fasteignasölu, sbr. kauptilboð.