Álfalundur 53

** Siðasta óselda húsið í lengjunni ** Best skipulögðu fjölskylduhús á Akranesi í dag **
Berglind Hólm lgfs. og RE/MAX kynna: Fallegt og sérlega vel skipulagt raðhús í nýrri byggð í Skógarhverfinu á Akranesi, rétt við skógræktina og Golfvöllinn. Um er að ræða 6 íbúða raðhús á tveimur hæðum með innbyggðum bílskúr. Skipulag húsanna er eftirfarandi: Anddyri, 4-5 svefnherbergi (möguleiki að nýta fjölskylduherbergi á efri hæð sem fimmta svefnherbergið), 3 x baðherbergi (öll með baðaðstöðu), fataherbergi, þvottaherbergi, stofu, eldhús, borðstofu, fjölskylduherbergi (við hlið stofu sem hægt er að nýta sem fimmta svefnherbergið eða taka niður til stækkunar á stofu), bílskúr og geymslu. Um er að ræða frábæra fjölskyldueiningu þar sem stutt er í leikskóla, grunnskóla og íþróttasvæði ÍA svo fátt eitt sé nefnt. Einnig er göngufæri á golfvöllinn hjá Golfklúbbnum Leynir. 

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is

Almenn lýsing: Álfalundur 53, miðjuraðhús á tveimur hæðum. 
Húsið er 230,1fm á 2.hæðum. Timbur einingarhús og samanstendur af 4 svefnherbergjum, 3 baðherbergjum, forstofu, eldhúsi, borðstofu, stofu, fjölskylduherbergi / sjónvarpshol, opið rými, og þvottahúsi. Geymsla er innaf bílskúr. Gólfhiti er á báðum hæðum. 

HÖNNUN:
Húsin eru teiknuð af Sigursteini Sigurðssyni hjá Gjafa Arkitektúr og sköpun. Hann er jafnframt aðalhönnuður hússins.Hin nýja íbúðabyggð í Skógarhverfi á Akranesi byggir á metnaðarfullu skipulagi og samræmdum skilmálum innan hverfisins. Lögð er áhersla á umhverfisvæna byggð, tengingu við náttúruna, góðar samgöngur og þjónustu. Við hönnun verkefnisins var leitast við að skapa metnaðarfullar og glæsilega byggingu sem njóta sín í fallegu og náttúrulegu umhverfi. Leitast var við að hámarka notagildi íbúða og nýta útsýni, birtu og staðsetningu til fullnustu.
Hönnuður burðavirkja og lagna er Verkfræðistofa Reykjavíkur. Lýsinga og raflagnahönnuður er Sturla Snorrason.
HÚSIN:
Um er að ræða 6 íbúða raðhús á 2 hæðum með aðalinngangi á 1. hæð ásamt bílskúr. Húsin eru í hinu nýja Skógarhverfi þar sem bæði skógræktin og golfvöllurinn eru í göngufæri.
Birt stærð hverjar íbúðar er u.þ.b. 231m2 þar af 31m2 bílskúr (sjá nánar í skráningartöflu).
Burðarkerfi hússins eru úr timbureiningum og eru útveggir einangraðir með 250mm steinull. Útveggir eru pakkaðir inn með vatnsheldum gufuopnum dúk frá Siga, klæddir með vandaðri læstri álklæðningu sem tryggir lágmarks viðhald hússins. Í kringum anddyri, bílskúrshurð og undir svalaloft eru húsin klædd með furu með viðarvörn í hnotulit. Bakvið klæðningu er drendúkur. Allir gluggar eru úr ál/tré kerfi og glerjaðir með tvöföldu argonfylltu einangrunargleri. Rennihurð er í stofu með “lift to slide” kerfi. Þak hússins er með tvöfaldri vörn. Gufuopinn vatnsheldur dúkur frá Siga er settur á þakbita.
Þakið er lektað upp til að tryggja öndun og ofan á lektur eru nótaðar vatnsvarðar gólfplötur. Ofan á plötunar er tvöfalt lag af bræddum þakpappa
FRÁGANGUR ÍBÚÐA:
Íbúðirnar eru byggðar í samræmi við byggingareglugerð 112/2012 með áorðnum breytingum. Íbúðum verður skilað tilbúnum til innréttinga á byggingarstigi 5 skv ÍST 51:2021 útgefnum af Staðlaráði Íslands.
Veggir og loft: Allir veggir verða komnir upp skv teikningu. Veggir og loft innan íbúða verða grunnaðir og sandsparslaðir. Loft verða fullmáluð og veggir málaðir með einni umferð í hvítum lit.
Inntök: Öll inntök, þ.e. rafmagn, heitt og kalt vatn og ljósleiðari kominn inn og öll gjöld greidd.
Gólf: Á fyrstu hæð verða öll gólf flotuð og tilbúin fyrir gólfefni. Á annari hæð skilast öll gólf með gólfplötum úr spón tilbúin fyrir gólfefni.
Stigi: Tréstigi á milli hæða og verður tilbúinn fyrir gólfefni. Svalir: Gagnvarið pallaefni úr furu.
PÍPULAGNIR OG LOFTRÆSTING:
Pípulagnakerfi hússins (innan íbúða) er leitt í gegnum veggi og loft. Í steyptri botnplötu er „rör í rör“ kerfi að tengipunktum. Varmaskiptir er fyrir neysluvatn. Innsteyptur gólfhiti er á jarðhæð og á annari hæð er gólfhiti innfræstur í 22mm gólfplötur og límdur niður með epoxy/viðarkurlsblöndu.
Gólfhitakistur verða frágengnar en gólfhitastýringar fyrir sér hitastigsstillingar í rýmum eru á ábyrgð kaupanda. Neysluvatnslagnir verða allar frágengnar með tengistútum í veggjum sbr. lagnateikningar. Rafmagnsviftur (útsog) er á baðherbergjum, bílskúr og eldhúsi (Rafmagnsviftur fylgja ekki). Öll svefnherbergi ásamt öðrum helstu rýmum eru með ferskloftstúðum. Ídráttarrör hafa verið lögð fyrir möguleika heitum potti ásamt niðurfallsrörum fyrir aftan öll hús og einnig fyrir framan hús 45-49. Útikrani verður tengdur á bakhlið hússins. Stýring eða annar búnaður fyrir heitan pott fylgir ekki.
RAFLAGNIR OG LÝSING:
Rafmagnstafla komin upp og heimaæð tengd. Búið verður að leggja allar lagnaleiðir í loft og veggi. Allt rafmagn ídregið ásamt verður búið að koma fyrir öllum snúrum fyrir loftljós skv raflagnateikningu.
Göt fyrir loftljós verða ekki boruð sem býður upp að kaupandi getur valið þau ljós sem hentar. Ljós,
tenglar, rofar og þess háttar efni fylgir ekki.
Útilýsing skilast fullbúin skv rafmagnsteikningu á húsinu sjálfu. Húsin skilast með ídráttarrörum fyrir framan og aftan hús sem gefur möguleika á að tengja stýringar fyrir heitan pott og aðra lýsingu.
Ídráttarrör er til staðar framan á húsi fyrir möguleika á hleðslustöð fyrir rafbíla.
Laus búnaður o.þ.h sem sýndur er á teikningum og annari grafík sem ekki er upptalinn í skilalýsingu þessari fylgir ekki.
BAÐHERBERGI OG ÞVOTTAHÚS:
Loft og efsti hluti veggja baðherbergja og þvottarýmis verða máluð. Loft fullmáluð og vegghlutar með einni umferð. Sturtubotnar verða flotaðir í halla ásamt gólfniðurfallsrennum frá Tengi. Klósettkassar uppsettir. Kaupandi ber ábyrgð að vatnsverja veggi og gólf með viðeigandi kvoðu fyrir flísalögn.
Veggir skilast með rakavörðu gifsi og gólf á 2.hæð með spónargólfsplötum. Hreinlætistæki, s.s. klósettskálar, vaskar, blöndunartæki oþh. fylgja ekki.
BÍLSKÚR:.
Bílskúrshurð er svört að lit að utan, hvít að innan. Rafmagnsopnari fylgir ekki.
LÓÐ:
Lóð verður grjó:öfnuð. Frágangur á lóð eins og bílastæði, pallar, skjólveggir, gróður oþh er á ábyrgð kaupanda.

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is